ஏரும் போரும் எம் குலத்தொழில்...! அருந்திறல் வீரர்க்கும் பெருந்திறல் உழவர்க்கும் வருந்தகைத்தாகும் மள்ளர் என்னும் பெயர்.-திவாகர நிகண்டு- செருமலை வீரரும் திண்ணியோரும் மருத நில மக்களும் மள்ளர் என்ப-பிங்கல நிகண்டு சேர சோழ பாண்டியமூவேந்தர் மரபினர் யாம்.

வியாழன், 26 டிசம்பர், 2013

திருநெல்வேலி மாவட்டம், சங்கரன்கோவில் ஒன்றியம் கக்கன் கிராமத்தில் மேற்கொண்ட மக்கள் சந்திப்பு.

திருநெல்வேலி மாவட்டம், சங்கரன்கோவில் ஒன்றியம் பாட்டத்தூா் கிராமத்தில் மேற்கொண்ட மக்கள் சந்திப்பு.

திருநெல்வேலி மாவட்டம், சங்கரன்கோவில் ஒன்றியம் காந்தி கிராமத்தில் மேற்கொண்ட மக்கள் சந்திப்பு.

திருநெல்வேலி மாவட்டம், சங்கரன்கோவில் ஒன்றியம் சீராந்தல் கிராமத்தில் மேற்கொண்ட மக்கள் சந்திப்பு.

புதன், 25 டிசம்பர், 2013

டிசம்பர்-25 கீழவெண்மணி தியாகிகளுக்கு புதிய தமிழகம் கட்சி வீர வணக்கம் -டாக்டர்.க.கிருஷ்ணசாமி.........


டிசம்பர்-25 கீழவெண்மணி தியாகிகளுக்கு புதிய தமிழகம் கட்சி வீர வணக்கம் -டாக்டர்.க.கிருஷ்ணசாமி வேண்டுகோள் புதிய தமிழகம் கட்சித் தலைவர் வெளியிட்டுள்ள அறிக்கையில்கூறியிருப்பதாவது:- இந்தியா சுதந்திரம் பெற்று 65 ஆண்டுகள் ஆகியும் சமுதாய பொருளாதார ஏற்ற தாழ்வுகள் நீக்கப்படவில்லை. பிறந்த நாட்டில் மூன்று செண்ட் வீட்டு மனையோ, ஒரு ஏக்கர் நிலமோ கூட சொந்தமாக இல்லாமல் இன்னமும் வறிய நிலையில் வாழ்வோர் எண்ணற்றோர். இந்த நிலை போக்க எத்தனையோ போராட்டங்கள் நடந்தி இருப்பினும். 1968ஆம் ஆண்டு டிசம்பர் மாதம் 25ஆம் தேதி தஞ்சை மண்ணாம் கீழ வெண்மணியில் நடந்த துயர சம்பவத்தை யாராலும் மறக்க இயலாது. உழைத்த உழைப்பிற்க்கு அரைப்பிடி நெல் கூடுதலாக கேட்டதற்காக முதியோர், பெண்கள், குழந்தைகள் என ஒடுக்கப்பட்ட மக்கள் 44 பேர் ஒரே குடிசையில் அடைத்து கொளுத்தப்பட்ட துயர சம்பவம் நடந்த நாள் அது. தியாகம் புரிந்தவர்கள் விவசாய தொழிலாளர்கள் எனினும் அவர்கள் அனைவரும் வீரம் செறிந்த வேளாண் குடிமக்கள் என்ற சமூக அடையாளம் அறவே மறைக்கப்பட்டுவிட்டது. அம்மக்களின் அளப்பரிய தியாகத்தை போற்றும் வகையில் புதிய தமிழகம் கட்சியின் சார்பாக கீழவெண்மணி கிராமத்தில் அவர்கள் நினைவிடத்தில் டிசம்பர் 25ஆம் தேதி காலை 9.30 மணி அளவில் அஞ்சலி நடைபெறும். அதேபோல அனைத்து மாவட்ட தலைநகரங்களிலும் புதிய தமிழகம் கட்சி மாவட்ட நிர்வாகிகள் சார்பாக நினைவஞ்சலி நடைபெறும் என தெரிவித்துக் கொள்கிறேன்.

கல்வி வேலைவாய்ப்பில் பிரதிநிதித்துவம்.டாக்டர் கிருஷ்ணசாமி

தேவேந்திரகுல கூட்டமைப்பு திருவாரூர்..........


1968ல் தன் உரிமைக்காக போராடி தீயில் உயிரிட்ட கீழவெண்மணி சோழமண்டல 44 தியாகிகளுக்கு வீரவணக்கங்கள்...

1968ல் தன் உரிமைக்காக போராடி தீயில் உயிரிட்ட கீழவெண்மணி சோழமண்டல 44 தியாகிகளுக்கு வீரவணக்கங்கள்
1. சுந்தரம் (45)
2. சரோஜா(12)
3. மாதாம்பாள்(25)
4. தங்கையன் (5)
5. பாப்பா (35)
6. சந்திரா (12)
7. ஆசைத் தம்பி (10)
8. வாசுகி (3)
9. சின்னப்பிள்ளை (28)
10. கருணாநிதி(12)
11. வாசுகி (5)
12. குஞ்சம்பாள் (35)
13. பூமயில் (16)
14. கருப்பாயி (35)
15. ராஞ்சியம்மாள் (16)
16. தாமோதரன் (1)
17. ஜெயம் (10)
18. கனகம்மாள் (25)
19. ராஜேந்திரன் (7)
20. சுப்பன் (70)
21. குப்பம்மாள் (35)
22. பாக்கியம் (35)
23. ஜோதி (10)
24. ரத்தினம் (35)
25. குருசாமி (15)
26. நடராசன் (5)
27. வீரம்மாள் (25)
28. பட்டு (46)
29. சண்முகம் (13)
30. முருகன் (40)
31. ஆச்சியம்மாள் (30)
32. நடராஜன் (10)
33. ஜெயம் (6)
34. செல்வி (3)
35. கருப்பாயி (50)
36. சேது (26)
37. நடராசன் (6)
38. அஞ்சலை (45)
39. ஆண்டாள் (20)
40. சீனிவாசன் (40)
41. காவிரி (50)
42. வேதவள்ளி (10)
43. குணசேகரன் (1)
44. ராணி (4)
உங்களின் தியாகம் மறையாதது.

வெள்ளி, 20 டிசம்பர், 2013

மாவீரன் மள்ளரின தலைவன் பசுபதி பாண்டியர் இரண்டாம் ஆண்டு நினைவு தினம்..

மதுரை ஆதீனத்துடன் ஜான் பாண்டியன் திடீர் சந்திப்பு....


மதுரை: மதுரை ஆதீனம் அருணகிரிநாதரை இன்று திடீரென சந்தி்த்து பேசிய தமிழக மக்கள் முன்னேற்றக் கழகத் தலைவர் ஜான் பாண்டியன்,  ஆதீனத்திற்கு எந்த மிரட்டலும் இல்லை, அப்படி யாராவது மிரட்டினால் அரசியல் காரணமாகத் தான் இருக்கும் என்று கூறினார்.
மதுரை ஆதீனம் அருணகிரிநாதரைச் சந்திக்க இன்று பகல் 12.40 மணியளவில் ஆதீன மடத்திற்கு தமிழக மக்கள் முன்னேற்றக் கழகத் தலைவர் ஜான் பாண்டியன் வந்தார். கட்சியினரை வெளியே நிறுத்திவிட்டு, அவர் மட்டும் ஆதீனம் வீற்றிருக்கும் பள்ளியறைக்குச் சென்றார்.

தன்னை தரிசித்த அவருக்கு ஆசீர்வாதம் கொடுத்து, விபூதி பூசிவிட்டார் மதுரை ஆதீனம். பிறகு சுமார் 20 நிமிடங்கள் அவர்கள் பேசிக் கொண்டனர். முன்னதாக அவர் மதுரை எஸ்.பி. பாலகிருஷ்ணனையும் சந்தித்தார்.
ஆதீனத்தைப் பார்த்துவிட்டு நெற்றியில் விபூதியுடன் வந்த ஜான் பாண்டியனிடம் இந்த சந்திப்பு பற்றி நிருபர்கள் கேள்வி கேட்டனர். அதற்குப் பதில் அளித்த அவர், "25 ஆண்டுகளாக எனக்கும் சந்நிதானத்துக்கும் பழக்கம் இருக்கிறது. எனது கட்சியை திருச்சியில் தொடங்கி வைத்தது கூட ஆதீனம் தான். அந்த அன்பிற்காக மரியாதை நிமித்தமாக அவரைச் சந்தித்தேன். மற்றபடி எந்த விசேஷமும் இல்லை.

மதுரை மாவட்டம் பாறைபத்தி, சிட்டுலொட்டி கிராமங்களில் வாழும் தேவேந்திரகுல வேளாளர் மக்களிடையே இடப்பிரச்னை காரணமாக மோதல் இருந்து வந்தது. ஒரே மக்களிடையேயான இந்தப் பிரச்னையை சமரசமாக தீர்த்து வைக்க வேண்டும் என்று எஸ்.பி.யை சந்தித்து வலியுறுத்தினேன். அப்படியே ஆதீனத்தைப் பார்க்க வந்தேன்" என்றார்.
"மதுரை ஆதீனத்தை சில தேவர் சமுதாய அமைப்புகள் மிரட்டுவதாகவும், அதனால் தான் உங்களை அவர் சந்தித்ததாகவும் கூறப்படுகிறதே?" என்று செய்தியாளர்கள் கேள்வி எழுப்பினர்.

இதற்குப் பதில் அளித்த ஜான் பாண்டியன், "எனக்குத் தெரிந்து ஆதீனத்திற்கு எந்த மிரட்டலும் இல்லை. அப்படி யாராவது மிரட்டினால் அரசியல் காரணமாகத் தான் இருக்கும். தேவரும், தேவேந்திரரும் பங்காளிகள் தான். அவர்களுக்குள் பிரச்னை இல்லை. அதற்காக ஆதீனத்தை நான் சந்திக்கவில்லை" என்றார்.

நாடாளுமன்றத் தேர்தல் தொடர்பான கேள்விக்குப் பதில் அளித்த ஜான் பாண்டியன், "கூட்டணி பற்றி தேர்தல் நேரத்தில் தான் முடிவு செய்வோம்" என்றார்.

பின்னர் ஜான் பாண்டியன் காரில்  நெல்லை புறப்பட்டார். இந்தச் சந்திப்பு பற்றி ஆதீனத்தின் கருத்தை அறிய முயன்றோம். வழக்கம் போல பத்திரிகையாளர்களைச் சந்திப்பதைத் தவிர்த்துவிட்டார் ஆதீனம். ஜான் பாண்டியனின் வருகையையொட்டி ஆதீனத்தைச் சுற்றி பலத்த போலீஸ் பாதுகாப்பு போடப்பட்டிருந்தது.

Dr Krishnasamy Mla Interview At Tenkasi Part IV 23 11 2013


தமிழக மக்கள் முன்னேற்ற கழகம் சார்பில் திருச்சியில் ''அதிகாரத்தை நோக்கி" இளைஞர்கள் மாவட்ட எழுச்சி மாநாடு..........

திருச்சி: காங்கிரஸ்காரர்கள் பொய் சொல்லிக் கொண்டு உங்களிடம் வந்தால் ஊருக்குள் விடாதீர்கள் என்று ஜான் பாண்டியன் கூறியுள்ளார்.
தமிழக மக்கள் முன்னேற்ற கழகம் சார்பில் திருச்சியில் ''அதிகாரத்தை நோக்கி" என்ற தலைப்பில் இளைஞர்கள் மாவட்ட எழுச்சி மாநாட்டை நடத்தினர். அக்கட்சியின் மாவட்ட தலைவர் ராஜேந்திரன் தலைமையில் நடைபெற்ற மாநாட்டில், பொதுச்செயலாளரும், சட்ட ஆலோசகருமான பிரிசில்லா பாண்டியனும், அக்கட்சியின் நிறுவன தலைவர் ஜான் பாண்டியன் மற்றும் நிர்வாகிகள் கலந்து கொண்டனர்.

இந்த மாநாட்டில் பேசிய பிரிசில்லா பாண்டியன் உள்ளிட்ட பலரும், வரும் நாடாளுமன்றத் தேர்தலை மையப்படுத்தியே பேசினர். நிச்சயம் நமது கணக்கை துவங்கி, டெல்லி செங்கோட்டைக்கு தலைவரை அனுப்புவோம் என சூளுரைத்தனர்

இறுதியாக பேசிய ஜான்பாண்டியன், ''கடந்த எட்டு வருடங்களாக என்னை சிறையில் தள்ளியது திராவிட என்கிற பெயரை கொண்டு மக்களை ஏமாற்றிய கட்சிகள்தான். அந்த கட்சிக்கு பாடம் புகட்டாமல் விடமாட்டேன்.

நடந்து முடிந்த 4 மாநில சட்டசபை தேர்தலில் காங்கிரஸ் கட்சிக்கு பலத்த அடி விழுந்துள்ளது. தற்போது, மக்கள் தெளிவாக இருக்கிறார்கள். இலங்கையில் தமிழர்களுக்கு செய்த துரோகத்துக்கும், தமிழகத்தில் மீனவர்களுக்கு செய்த துரோகத்துக்கும் நாடாளுமன்ற தேர்தலில் காங்கிரஸ் கட்சிக்கு தமிழக மக்கள் தகுந்த பாடம் புகட்டுவார்கள். ஒரு தொகுதியில் கூட காங்கிரசால் வெற்றி பெற முடியாது.

புதுடெல்லியில் ஆம் ஆத்மி கட்சி தொடங்கப்பட்ட ஒரு ஆண்டிற்குள் 28 இடங்களில் வெற்றி பெற்றுள்ளது. இது மத்திய அரசின் நிர்வாக சீர்கேட்டையும், ஊழல், கற்பழிப்பு குற்றங்களையும் பொதுமக்கள் சகித்துகொள்ள தயாராக இல்லை என்பதையே காட்டுகிறது. காங்கிரஸ்காரர்கள் பொய் சொல்லிக் கொண்டு உங்களிடம் வந்தால் ஊருக்குள்ளயே விடாதீர்கள். நல்லவர்கள் போல் நடப்பார்கள் நம்பாதீர்கள். பல்லாயிரக்கணக்கான தமிழர்களை கொன்று குவித்த ராஜபக்சேவுக்கு துணையாக நின்றது காங்கிரஸ் கட்சிதான் என்பதை மறந்துவிடாதீர்கள். சிதம்பரமும், ஜி.கே.வாசனும் இனி தனியாளாய் நிற்க வேண்டிய காலம் வந்துவிட்டது.

கூலியை உயர்த்திகேட்ட குற்றத்திற்காக கீழவெண்மனியில் 44 பேரை எரித்துக்கொன்ற சம்பவத்திலும், தியாகி இமானுவேல் கொலை செய்யப்பட்டபோதும் சரி, பரமக்குடி துப்பாக்கி சூட்டில் ஆறுபேர் சுட்டு கொன்றபோதும் சரி விசாரணைக்காக அமைக்கப்பட்ட நீதிபதிகள் கொண்ட விசாரணை கமிஷன்கள் அனைத்தும் நம் மக்களுக்கு எதிராகவே தீர்ப்புகள் வழங்கப்பட்டுள்ளது. நீதி மறுக்கப்பட்ட சமூகமாக நாம் இருக்கிறோம். நமக்கு துரோகம் செய்பவர்களுக்கு தக்க பாடம் புகட்டுவோம்" என்றார்.

செவ்வாய், 17 டிசம்பர், 2013

புதிய தமிழகம் கட்சி 17ம் ஆண்டு துவக்கவிழா.

புதிய தமிழகம் கட்சி 17ம் ஆண்டு துவக்கவிழா..15.12.13

புதிய தமிழகம் கட்சி 17ம் ஆண்டு துவக்கவிழா..15.12.13

மாவீரன் மள்ளரின தலைவன் பசுபதி பாண்டியர் இரண்டாம் ஆண்டு நினைவு தினம்.....

புதிய தமிழகம் கட்சி 17ம் ஆண்டு துவக்கவிழா..15.12.13

புதிய தமிழகம் கட்சி 17ம் ஆண்டு துவக்கவிழா..15.12.13

புதிய தமிழகம் கட்சி 17ம் ஆண்டு துவக்கவிழா..15.12.13

புதிய தமிழகம் கட்சி 17ம் ஆண்டு துவக்கவிழா..15.12.13

புதிய தமிழகம் கட்சி 17ம் ஆண்டு துவக்கவிழா..15.12.13

புதிய தமிழகம் கட்சி 17ம் ஆண்டு துவக்கவிழா..15.12.13

புதிய தமிழகம் கட்சி 17ம் ஆண்டு துவக்கவிழா..15.12.13

புதிய தமிழகம் கட்சி 17ம் ஆண்டு துவக்கவிழா..15.12.13

....வீரவணக்கம் 1979-இல் உஞ்சனை கிராமம் சிவகங்கை மாவட்டத்தில்...குல வழிபாட்டு உரிமைக்காக போராடிய தேவேந்திரர்களுக்கு

....வீரவணக்கம் 1979-இல் உஞ்சனை கிராமம் சிவகங்கை மாவட்டத்தில்...குல வழிபாட்டு உரிமைக்காக போராடிய தேவேந்திரர்களுக்கு

....வீரவணக்கம் 1979-இல் உஞ்சனை கிராமம் சிவகங்கை மாவட்டத்தில்...குல வழிபாட்டு உரிமைக்காக போராடிய தேவேந்திரர்களுக்கு

தென் மாவட்ட முன்னேற்றத்திற்கு உத்தரவாதம் தரும் கட்சியுடன் கூட்டணி: டாக்டர் கிருஷ்ணசாமி பேச்சு .....


தென் மாவட்ட முன்னேற்றத்திற்கு உத்தரவாதம் தரும் கட்சியுடன் கூட்டணி: டாக்டர் கிருஷ்ணசாமி பேச்சு

புதிய தமிழகம் கட்சியின் 17–ம் ஆண்டு தொடக்கவிழா, நலத்திட்ட உதவிகள் வழங்கும் விழா, கட்சி மாநாடு ஆகியவை தென்காசியில் நடந்தது. இதில் கலந்துகொண்ட கட்சியின் நிறுவன தலைவர் டாக்டர் கிருஷ்ணசாமி எம்.எல்.ஏ. நலத்திட்ட உதவிகளை வழங்கி பேசினார். அப்போது அவர் கூறியதாவது:–
நெல்லை மாவட்ட மேற்கு பகுதியில் ஏராளமான வளங்கள் இருந்தும் வளர்ச்சி பெறவில்லை. தென்காசியை தலைமையிடமாக கொண்டு தனி மாவட்டம் வேண்டும் என்று புதிய தமிழகம் தொடர்ந்து வலியுறுத்தி வருகிறது. ஆளும் கட்சியில் கூட்டணி வைத்தால் பொதுமக்களுக்கு நல்லது செய்யமுடியும் என்று கூட்டணி வைத்தோம்.
ஆனால் எந்த மரத்தின் நிழலில் வளரும் செடியும் பயன்தராது. வெயிலுக்கு வந்தால் தான் அந்த செடியின் மூலம் பலன் கிடைக்கும். தென்மாவட்ட மக்களின் கல்வி, வேலைவாய்ப்பு, தொழில்வளர்ச்சி, முன்னேற்றம் ஆகியவற்றிற்கு யார் உத்தரவாதம் தருகிறார்களோ அந்த கட்சியுடன் தான் கூட்டணி வைப்போம். இது குறித்து கட்சி நிர்வாகிகளுடன் ஆலோசனை செய்து முடிவு எடுக்கப்படும்.

தென்காசி மத மோதல்-அரசு மெத்தனம்: கிருஷ்ணசாமி

 தென்காசி: தென்காசியில் கடந்த 3 வருடங்களாகவே மத மோதல்கள் நடந்து வரும் நிலையில் அரசு மெத்தனமாக இருப்பது கண்டனத்துக்குரியது என்று புதிய தமிழகம் கட்சியின் தலைவர் டாக்டர் கிருஷ்ணசாமி கூறியுள்ளார். தென்காசியில் செய்தியாளர்களிடம் அவர் பேசுகையில், பிப்ரவரி 24ம் தேதி மதுரையில் புதிய தமிழகம் கட்சியின் 17ம் ஆண்டு தொடக்க விழாவையொட்டி மாநாடு நடைபெறவுள்ளது. இம்மாநாட்டில் அகில இந்திய சமூக நீதி தலைவர்கள் கலந்து கொள்கின்றனர். தென்காசியில் கடந்த 2,3 ஆண்டு காலமாகவே தொடர்ந்து மத மோதல்கள் இருந்து வருவது வருத்தம் அளிக்கிறது. மத, ஜாதி மோதல்கள் எவ்விதத்ததிலும் சமுதாயத்திற்கு முன்னோற்றம் அளிக்காது. இரு பிரிவு மோதல்களை நிரந்தரமாக தீர்க்காமல் இந்த அரசு காவல்துறையை வைத்து தீர்க்க நினைப்பது அறிவுபூர்வமானது அல்ல. அரசின் மெத்தனப் போக்கு கண்டிக்கத்தக்கது. நிரந்தர தீர்வு ஏற்பட அரசு நடவடிக்கை எடுக்கைவில்லையெனில் புதிய தமிழகம் அந்த பணியை செய்யும். வடக்கு வாழ்கிறது. தெற்கு தேய்கிறது என்று கோஷமிட்டு ஆட்சிக்கு வந்தவர்கள் தென் தமிழகத்தை தேய வைத்து விட்டார்கள். தமிழகத்தில் புதிதாக 39 தொழிற்சாலைகள் தொடங்க ஒப்பந்தம் போடப்பட்டுள்ளது. அதில் திருச்சிக்கு தெற்கே எதுவும் இல்லை. தென் மாவட்டத்தில் புகழ் பெற்ற தென்காசியை தலைமையிடமாக கொண்டு தனி மாவட்டம் அமைக்க நடைபெறும் சட்ட மன்ற தொடரிலேயே அறிவிக்க வேண்டும். இல்லையெனில் போராட்டம் நடத்தப்படும். பல்வேறு வாக்குறுதிகளை கூறி ஆட்சிக்கு வந்த அரசு அதனை நிறைவேற்றாமல் ஏமாற்றி வருகிறது. வாக்குறுதியை அரசியல் சாசன முறைபடி நிறைவேற்ற வேண்டும். அதுதான் நாணயமான செயல். தென்காசி எம்பியாக உள்ள அப்பாத்துரை பல வாக்குறுதி கொடுத்தார். ஆனால் அவரும் நிறைவேற்றவில்லை. விரைவில் தென்காசி மாவட்ட மக்களுக்காக மாபெரும் மக்கள் இயக்கம் தொடங்க உள்ளேன் என்றார்.

தென்காசியில் புதிய தமிழகம் கட்சி மாநாடு



தென்காசி: தென் மாவட்டங்கள் தொழில் வளர்ச்சி இல்லாமல் மக்களுக்கு வேலைவாய்ப்பு கிடைக்கப்பெறாத ‹ழ்நிலை தொடர்ந்து ஏற்பட்டு வருவதாக புதிய தமிழகம் கட்சி தலைவர் டாக்டர் கிருஷ்ணசாமி எம்எல்ஏ தெரிவித்தார்.
தென்காசியில் புதிய தமிழகம் கட்சியின் மாநாடு நடந்தது. கட்சி தலைவர் டாக்டர் கிருஷ்ணசாமி எம்எல்ஏ தலைமை வகித்தார். மாவட்ட பொறுப்பாளர் ஜெயக்குமார் முன்னிலை வகித்தார். மாவட்ட செயலாளர் சுப்பிரமணியன் வரவேற்றார். கூட்டத்தில் ஊனமுற்றோருக்கு மூன்று சக்கர சைக்கிள், தையல் மிஷின், பழ மரக்கன்று, விவசாயிகளுக்கு உபகரணங்கள், ஏழை எளியோர்களுக்கு சேலை உட்பட நலத்திட்ட உதவிகள் வழங்கி கட்சி தலைவர் டாக்டர் கிருஷ்ணசாமி எம்எல்ஏ பேசியதாவது:
செங்கோட்டை - புனலூர் அகல ரயில்பாதை பணிகள் தொடர்ந்து காலதாமதப்படுத்தப்பட்டு வருகிறது. இந்த பணிகளுக்கான கூடுதல் நிதி ஒதுக்கீடு கிடைக்கப்பெறாததால் அகலரயில்பாதை அமைக்கும் பணியில் தேக்க நிலை இருப்பதாக ரயில்வே நிர்வாகமே தெரிவித்துள்ளது. தென்மாவட்டங்களில் தொடர்ந்து தொழில்வளர்ச்சியை ஏற்படுத்திய எந்தவித நடவடிக்கையும் மத்திய மாநில அரசுகள் மேற்கொள்ளவில்லை. இதனால் ஏராளமானோர் படித்து வேலைவாய்ப்பை பெரும் ‹ழ்நிலை இல்லாத நிலை தொடர்கிறது என குறிப்பிட்டார்.கூட்டத்தில் மாநில இளைஞரணி இணை செயலாளர் மதுரம் பாஸ்கர், மாவட்ட செயலாளர்கள் விருதுநகர் ராமராஜன், திருச்சி ஐயப்பன், மதுரை வக்கீல் பாஸ்கர், மாவட்ட துணை செயலாளர் இன்பராஜ், வடக்கு மாவட்ட செயலாளர் அரவிந்தராஜா, மாநகர் மாவட்ட செயலாளர் செல்லப்பா ஆகியோர் கலந்து 
கொண்டனர். தென்காசி ஒன்றிய செயலாளர் சந்திரன் நன்றி கூறினார்.

மாவீரன் மள்ளரின தலைவன் பசுபதி பாண்டியர் இரண்டாம் ஆண்டு நினைவு தினம்...


தென் தமிழகம் சம வாய்ப்பு பெற்றிட.......தென் தமிழகத்தின் நுழைவாயில் தென்காசி தான் என்று அழைத்திட ..... புதிய தமிழகம் என்றென்றும் திறவுகோலாக அமையும்...

புதிய தமிழகத்தி்ன் 17ம் ஆண்டு துவக்க விழா தொடங்கியது...... தென்காசி

புதிய தமிழகத்தி்ன் 17ம் ஆண்டு துவக்க விழா தொடங்கியது...... தென்காசி திணறியது

புதிய தமிழகம் கட்சி 17ம் ஆண்டு துவக்கவிழா..15.12.13


3




திருநெல்வேலி மாவட்டம் தென்காசியில் புதிய தமிழகம் கட்சியின் 17ம் ஆண்டு துவக்க விழா மற்றும் சமத்துவ திருவிழாவை முன்னிட்டுநலத்திட்ட உதவிகள் வழங்கியபோது..

திருநெல்வேலி மாவட்டம் தென்காசியில் புதிய தமிழகம் கட்சியின் 17ம் ஆண்டு துவக்க விழா மற்றும் சமத்துவ திருவிழா..

ஞாயிறு, 15 டிசம்பர், 2013

தென்காசி சீமையில் திசம்பர்-15 "விழி தமிழா! எழு தமிழா!- சமத்துவத் திருவிழா"

விழி தமிழா! எழு தமிழா!

விழி தமிழா! எழு தமிழா!!

-உலகின் முதல் தற்கொலைப் போராளி தமிழ் நாட்டின் ’குயிலி’


--உலகின் முதல் தற்கொலைப் போராளி தமிழ் நாட்டின் ’குயிலி’தான்: 1750
காலகட்டத்தில்— (மு.நூ நண்பர் ‘சதாம் ஒரு தமிழன்’ பதிவில் இருந்து)

பலர் அறிந்த வரையில் தற்கொடைப் போராளிகளுக்கென
தனிப் பாசறையை 'கரும்புலிகள்' என்கிற பெயரில்
உருவாக்கியவர்கள் தமிழீழ விடுதலைப் புலிகள்தான்.
ஆனால் தமிழ் நாட்டின் விடுதலை வேங்கை குயிலி - உலகின் முதல்
தற்கொடைப் போராளி..

இரண்டாம் உலகப்போர் நடைபெறு வதற்கு 150
ஆண்டுகளுக்கு முன்னரே பிரித்தானியர்களை எதிர்த்துத்
தமிழ் மண்ணில் நடைபெற்ற போர்க்களத்தில்தான்
முதன்முதலாக 'தற்கொடைப் போராளி' உருவானார்
என்பது நாம் அறியாதது. அந்த ஈகத்துக்குரிய
வீரமங்கை யின் பெயர் குயிலி. அவர் பெண் என்பதால்
மட்டுமல்ல, சேரியில் பிறந்தவர் என்பதாலும்
வரலாற்றின் பக்கங்களில் வஞ்சிக்கப்பட்டிருக் கிறார்
என்பதை நமக்கு உணர்த்துகிறது. குயிலியின் பின்னணி ஆங்கிலேயர்களை எதிர்த்துத் தமிழ் மண்ணில் நடைபெற்ற
அந்நிய எதிர்ப்புப் போராட்டத்தில் பூலித்தேவன்,
வீரபாண்டிய கட்டபொம்மன், சுந்தரலிங்கனார்,
ஒண்டிவீரனார் போன்ற தியாகிகள் பட்டியலில்
சிவகங்கைச் சீமையின் இராணி வேலு நாச்சியார்
மருதுபாண்டியர்களின் வீரம் செறிந்த வரலாறுகள்
காலத்தால் அழிக்க முடியாதவை. 1750
காலகட்டத்தில் ஏறக்குறைய பூலித்தேவரும்
ஒண்டிவீரரும் நெல்லைச் சீமையில்
ஆங்கிலேயரை எதிர்த்துப் போரிட்ட காலகட்டத்திற்குப்
பிறகு சிவகங்கைச் சீமையில் முத்துவடுகநாத
பெரிய உடையாத் தேவர் ஆங்கிலேயரையும்
அவர்களது கூட்டாளியான ஆற்காடு நவாப்புகளையும்
எதிர்த்துப் போரிட்டுக் கொண்டிருந்தார்.
ஒரு கட்டத்தில் சூழ்ச்சியால் முத்துவடுகநாதர்
எதிரிகளால் கொல்லப்படு கிறார். உடன்
அவரது இரண்டாவது மனைவி கவுரி நாச்சியாரும்
கொல்லப்படுகிறார். இந்நிலையில் இழந்த
நாட்டை மீட்டெடுக்க முத்துவடுகநாதரின் முதல்
மனைவியான இராணி வேலுநாச்சியார்
சபதமேற்கிறார். அதற்காக, திண்டுக்கல்லை மையமாகக்
கொண்டு ஆட்சி நடத்திவந்த ஹைதர் அலி, அவரது மகன்
திப்பு சுல்தான் மற்றும் விருப்பாச்சி கோபால்
நாயக்கர் ஆகியோரின் உறுதுணையோடு 8 ஆண்டுகள்
தலைமறைவு வாழ்க்கை நடத்திப் பெரும் படையைக்
கட்டமைத்து சிவகங்கைச் சீமையை மீட்டெடுத்தார்.
வேலு நாச்சியாரின் போர்ப்படையில் வாள் படை,
வளரிப் படை, பெண்கள் படை ஆகிய மூன்றும்
பிரதானமானவை. வாள் படைக்கு தலைமை ஏற்றவர்
சின்னமருது, வளரிப்படைக்குத் தலைமை ஏற்றவர்
பெரிய மருது. பெண்கள் படைக்குத்
தலைமையேற்றவர்தான் குயிலி.
குயிலி தலைமையிலான பெண்கள் படைக்கு 'உடையாள்
பெண்கள் படை' எனப் பெயர் சூட்டியிருந்தார்
இராணி வேலு நாச்சியார். உடையாள் என்பவள்
ஒரு மாடு மேய்க்கும் சிறுமி. காளையார் கோவிலில்
தன் கணவரைப் பறிகொடுத்த வேலுநாச்சியார்
அரியாக்குறிச்சி என்கிற ஊருக்கு அருகில்
வரும்போது உடையாள் என்கிற மாடு மேய்க்கும்
சிறுமி எதிர்ப் பட்டாள்.
அவளுக்கு விடை கொடுத்துவிட்டுச் சென்ற
வேலு நாச்சியாரைப் பின்தொடர்ந்து வந்த எதிரிகள்
உடையாளிடம் வேலுநாச்சியார் சென்ற
பாதை குறித்துக் கேட்டபொழுது காட்டிக் கொடுக்க
மறுத்தாள். ஆகவே, எதிரிகளால் தலை வேறு முண்டம்
வேறாக உடையாள் வெட்டிப் படுகொலை செய்யப்பட்டாள்.
தமக்காக, தன் நாட்டுக்காக உயிரை ஈந்த உடையாளின்
நினைவாகவே வேலுநாச்சியார்
குயிலி தலைமையிலான மகளிர் படைக்கு உடையாள்
மகளிர் படை எனப் பெயர் சூட்டியிருந்தார். மகளிர்
படைக்குக் குயிலியை விடத் தகுதியானவர்
வேறெவரும் இருக்க
முடியாது என்பது வேலுநாச்சியாரின் இணையற்ற
நம்பிக்கை. அப்படி குயிலி என்னதான் செய்தார்?
வேலு நாச்சியாரின் போர்ப் பயிற்சிக்கான
ஆசிரியர்களில் சிலம்பு வாத்தியார்
வெற்றிவேலு மிக முக்கியமானவர்.
வேலுநாச்சியாரை சிறுவயது முதலே கண்காணித்து வருபவர்.
வேலுநாச்சியார் தனது கணவருடன் தேனிலவுக்காக
மேற்குத் தொடர்ச்சி மலைக்குச் சென்றிருந்த
சமயத்தில்கூட பாதுகாவலராக அரண்மனையால்
அனுப்பப்பட்டவர் வெற்றிவேலு. அதேபோல், தன் கணவரைப்
பறிகொடுத்த பிறகு திண்டுக்கல் -
விருப்பாச்சி பாளையத்தில்
தங்கியிருந்து படை திரட்டிய கால கட்டத்தில் தன்
மெய்க்காப்பாளராக வேலுநாச்சியார்,
சிலம்புவாத்தியார் வெற்றிவேலுவையே நியமித்
திருந்தார். இவ்வளவு நம்பிக்கைக்குரியவராக
விளங்கிய சிலம்புவாத்தியார் எதிரிகளால்
விலை பேசப்பட்டார். வேலு நாச்சியாரின்
திட்டங்களை, ஆதரவு சக்திகளை, அன்றாட
நிகழ்வுகளை எதிரி களுக்குக்
காட்டிக்கொடுத்து வந்தார்.
அன்று ஒரு நாள் குயிலியின் தாயார்
உடல்நிலை சரியில்லாத தால்,
குயிலி சிவகங்கைக்குச் செல்ல விருந்தார்.
இதை அறிந்த சிலம்பு வாத்தியார் ''ஓ,
பெண்ணே உனக்கு எழுதப் படிக்கத் தெரியுமா?''
என்று வினவினார். குயிலிக்கு எழுதப் படிக்கத்
தெரிந்திருந்தும் தெரியாது எனக் கூறினார்.
மிகவும் மகிழ்ச்சியடைந்த சிலம்பு வாத்தியார்
ஒரு கடிதத்தைக்
கொடுத்து சிவகங்கை அரண்மனைக்கு அருகிலிருக்கின்ற
மல்லாரிராயன் என்பவரிடம் ஒப்படைக்கச் சொன்னார்.
அதற்கு ஈடாக கை நிறைய பணமும் கொடுத்தார்.
குயிலி, ''தாயைப் பார்க்கப் போகத்தான் போகிறேன்.
போகிற போக்கில் இக்கடிதத்தை எப்படியும்
ஒப்படைத்து விடுகிறேன். பணம் வேண்டாம்'' என
மறுத்து விடுகிறார். புறப்படுவதற்கு முன்னதாக
அன்று இரவு ஓய்வாக இருக்கும் நேரத்தில்
கடிதத்தில் என்ன எழுதப்பட்டிருக்கிறது என்பதைப்
படித்துப் பார்க்கிறார். வேலுநாச்சியாரின் அன்றாட
அசைவு களையும், அவரை வீழ்த்திட அடுத்து எதிரிகள்
மேற்கொள்ள வேண்டிய பணிகள் குறித்தும்
சிலம்பு வாத்தியார் அதில் குறிப்பிட்டிருந்தார்.
இராணியார் தன் தந்தையைப் போல பாவிக்கும்
சிலம்பு வாத்தியாரா இப்படிக் காட்டிக்கொடுக்
கிறார்
என்பதை அறிந்து அதிர்சசியடைந்து ஆவேசமானார்
குயிலி. குத்தீட்டியைக் கையில்
எடுத்துக்கொண்டு சிலம்பு வாத்தியாரின் இருப்பிடம்
விரைந்தார். அடுத்த நிமிடம்
சிலம்பு வாத்தியாரின் குடிசையிலிருந்து அலறல்
சத்தம். இரத்த வெள்ளத்தில் மிதந்துகிடந்த
சிலம்புவாத்தியாரின் உடலையும்
அருகே ஒரு கையில் குத்தீட்டியோடும் மறு கையில்
சிலம்பு வாத்தியாரின் கடிதத்தோடும் கண்கள் சிவக்க
தலைவிரி கோலமாக நின்ற குயிலியையும்
வேலு நாச்சியார் உள்ளிட்ட அனைவரும் கண்டார்கள்.
நம்பிக்கைக்குரியவராக இருந்த சிலம்பு வாத்தியார்
தன் காலைச் சுற்றியிருந்த நச்சுப்பாம்பு என
அறிந்து வேலுநாச்சியார் அதிர்ச்சியுற்றார். தன்
மீதும் நாட்டின் மீதும் கொண்ட பற்றின் காரணமாக
ஒரு பெண் துணிச்சலாக மேற்கொண்ட செயலைக்
கண்டு அகமகிழ்ந்தார். கூட்டத்தில்
பத்தோடு பதினொன்றாகப் பார்க்கப்பட்ட
குயிலி அன்றிலிருந்து இராணி வேலுநாச்சியாரின்
மெய்க் காப்பாளரானார்.
இரண்டு மாதங்கள் கடந்த நிலையில்
இராணி வேலுநாச்சியாரும் அவரது மகள்
வெள்ளை நாச்சியாரும் குயிலியும் அறையில்
உறங்கிக் கொண்டிருந்த நேரம்
அறைக்கு வெளியே காலடிச் சத்தம் கேட்டது.
கேட்டும், கேட்காததுபோல் குயிலி படுத்துக்
கிடந்தார். சன்னலைத் திறந்து நோட்டமிட்ட ஓர் உருவம்
சட்டென வேலு நாச்சியார் படுத்துக்கிடந்த
கட்டிலை நோக்கி சூரிக் கத்தியை வீசியது.
பாய்ந்து தடுத்த குயிலியின் கையை கத்தி பதம்
பார்த்தது. வலியால் அலறிய குயிலியின் சத்தம்
கேட்டு எழுந்த வேலுநாச்சியார் ரத்தம் வடிந்த
குயிலியின் கையைப் பார்த்து அதிர்ச்சியுற்றார்.
ஒரு தாயின் அரவணைப்போடு குயிலியைக்
கட்டி அணைத்துக்
கைகளுக்கு முதலுதவி செய்து கொண்டிருந்தார்.
கத்தி வீசிய
உருவமோ சிவகங்கையை நோக்கி ஓடிக்கொண்டிருந்தது.
இச்சூழலில் சிவகங்கைச் சீமையில் ஆற்காடு நவாப்பும்
ஆங்கிலேயரின் கைக்கூலிகளான மல்லாரிராயனும்,
அவன் தம்பி ரங்கராயனும்
குயிலியை மையப்படுத்தி சாதிவெறிக்குத் தூப
மிட்டுக்கொண்டிருந்தனர். அதாவது மேல்சாதியைச்
சார்ந்த சிலம்பு வாத்தியார்
வெற்றிவேலுவை கீழ்சாதிப் பெண்ணான
குயிலி குத்திக் கொலை செய்திருக்கிறார்.
ஒடுக்கப்பட்ட சமூகமான சக்கிலியர் குலத்தில்
பிறந்த குயிலிக்கு ஆதரவாக வேலுநாச்சியார்
செயல்பட்டால் நம் சாதி கவுரவம் என்ன ஆவது?
தாழ்த்தப்பட்டவர்கள் நம்மை எள்ளி நகையாட
மாட்டார்களா? என குயிலியின் செயலுக்கு மனுதர்ம
நியாயம் பேசிக் கொண்டிருந்தார்கள்.
இதையெல்லாம் கேள்விப்பட்டு வேலுநாச்சியார் தம்
படைவீரர்களுக்குப் பகிரங்கமாக
அறிவிப்பு ஒன்றை வெளியிட்டார். ''எதிரிகள்
சிவகங்கை மண்ணிலிருந்து விருப்பாச்சியிலுள்ள நம்
இருப் பிடத்திற்கு வந்து தூங்கிக் கொண்டிருந்த என்
அறையில் கத்தி வீசியிருக்கிறார்கள். இது என்னைக்
கொல்வதற்கா? அல்லது குயிலியைக் கொல்வதற்கா?
என்பது ஒரு பக்கம் இருக்கட்டும். ஆனால் இத்தனைத்
துணிச்சலாக என் அறைக்கு அவர்கள் எப்படி வந்தார்கள்?
என்பதுதான் என் கேள்வி. நம் படை வீரர்களின்
ஆதரவு இல்லாமல் அவர்களுக்கு இந்தத் துணிச்சல்
வந்திருக்காது. சிவகங்கையில் நம் எதிரிகள்
கடைசியாக என்னை வீழ்த்துவதற் காக எடுத்துள்ள
சாதி என்னும் ஆயுதம் நம் வீரர் களையும்
பாதித்திருப்பதாகவே நான் கருதுகிறேன்.
என்னுடைய அத்தனைவிதமான சலுகைகளையும்
சன்மானங்களையும் பெற்றுக் கொண்ட
சிலம்பு வாத்தியார் எனக்குத் துரோகம் செய்தார்.
ஆனால் எந்தவிதமான சலுகையினையும் கிஞ்சித்தும்
பெறாத குயிலி என் உயிரைக் காப்பாற்றியிருக்
கிறாள்.
''சிலம்பு வாத்தியார் என் சொந்த சாதிக்காரராக
இருந்தாலும் அவர் எனக்கு துரோகமல்லவா இழைத் தார்?
ஆனால் குயிலி சக்கிலியர் குலத்தில்
பிறந்திருந்தாலும் நம்
நாட்டிற்கு துரோகமிழைத்தவர் களைக்
கண்டறிந்து களையெடுத் திருக்கிறாளே?
உங்களுக்குச் சாதிதான் முக்கியம் என்றால் நீங்கள்
இந்த நிமிடமே என்னுடைய படையிலிருந்து விலகிக்
கொள்ளலாம். சாதிவெறி பிடித்தவர்கள் எனக்குத்
தேவையில்லை.''
வேலுநாச்சியாரின் இந்த அறிவிப்பு கடுமையாக
இருந்தாலும்கூட அது நியாயமாகப்பட்டதால்
அனைவரும் ஏற்றுக்கொண்டனர். ஆனால்
குயிலி வேலுநாச்சியாரின் நெஞ்சில்
பன்மடங்கு உயர்ந்தார். மெய்க்காப்பாளராக விளங்கிய
குயிலி பெண்கள் படைக்குத் தலைமையாக்கப்பட்டார்.
நாட்கள் கடந்தன. 8 ஆண்டுகளுக்குப்
பிறகு போருக்குத் தேவையான தளவாடங்கள்
வந்து சேர்ந்தன. பன்னிரண்டு பீரங்கி வண்டிகள்,
நூற்றுக் கணக்கான துப்பாக்கிகள் திப்பு சுல்தானால்
வேலு நாச்சியாரிடம் ஒப்படைக்கப்பட்டன. 1780ஆம்
ஆண்டு ஐப்பசி மாதம் 5ஆம் நாள்
விருப்பாச்சி பாளையத்திலிருந்து சிவகங்கையை நோக்கி வேலு நாச்சியாரின்
படை புறப்பட்டது. உடையாள் பெண்கள் படைக்குத்
தலைமையேற்று குயிலி கம்பீரமாக
வந்து கொண்டிருந்தார்.
முதலாவதாக வேலுநாச்சியாரின்
படையை மதுரை கோச்சடையில் எதிர்த்து நின்றான்
மல்லாரி ராயன். ஒரு மணிநேரப்
போரிலேயே மல்லாரி ராயன் குத்திக்
கொலை செய்யப்பட்டான். வேலு நாச்சியாரின் படைகள்
வீறு நடைபோட்டன. அடுத்து திருப்புவனத்தில்
மல்லாரிராயனின் தம்பி ரங்கராயன்
பெரும்படையோடு எதிர்த்து நின்றான்.
மருது சகோதரர்கள் அவனைத் தவிடு பொடியாக்கினர்.
அடுத்து வெள்ளைக்கார அதிகாரிகள் மார்டின்ஸ்,
பிரைட்டன் மற்றும் நவாபின் படைத் தளபதி பூரிகான்
தலைமையில் மானாமதுரையில் மாபெரும்
படை எதிர்த்து நின்றது. வேலு நாச்சியாரின்
பீரங்கிப்படை அதனை அடித்துத் துவம்சம் செய்தது.
அன்று மானாமதுரை வைகை ஆற்றில் தண்ணீருக்குப்
பதிலாக இரத்தம் ஓடிக்கொண்டிருந்தது.
முத்துவடுகநாதரின் படுகொலையில்
பெரும்பங்கு வகித்த ஆங்கிலத் தளபதி ஜோசப் சுமித்
காளையார் கோவிலில் வேலுநாச்சியாரின்
படையை எதிர்கொண்டான். அங்கும் தமிழர்
படை வெற்றிக்கொடி நாட்டியது. ஆங்கிலப் படைகள்
புறமுதுகிட்டு ஓடின.
வேலுநாச்சியாரின் படைகள் சிவகங்கைச் சீமையில்
வெற்றி முழக்கத்துடன் நுழைந்தன. ஆனால் அங்குதான்
யாரும் எதிர்பாராத
ஆபத்து காத்துக்கொண்டிருந்தது.
தனது நயவஞ்சகத்தால்
மறைந்திருந்து வேலு நாச்சியாரின்
கணவரது உயிரைப் பறித்த கொடுங்கோலன் ஆங்கிலத்
தளபதி பாஞ்சோர் காளையார்
கோவிலிலிருந்து சிவகங்கை அரண்மனை வரையிலும்
அடிக்கு ஒரு போர் வீரனை நிறுத்தி யிருந்தான்.
அனைவரது கைகளும் துப்பாக்கி ஏந்தி யிருந்தன.
பீரங்கிகளும் அரண்மனையைச்
சுற்றி நிறுத்தப்பட்டிருந்தன. ஆயிரக் கணக்கான
துப்பாக்கி களும் வெடிபொருட்களும் அரண்மனைக்
கிட்டங்கியில் பதுக்கி வைக்கப்பட்டிருந்தன.
என்னதான் வீரமறவர்கள் வேலுநாச்சியாரின் படையில்
இடம்பெற்றிருந்தாலும் ஆங்கிலேயரின் நவீன ஆயுதங்கள்
மிகப்பெரிய சவாலாக இருந்தன.
விருப்பாச்சியிலிருந்து தொடர் வெற்றிகளைக்
குவித்து வந்த வேலுநாச்சியாருக்கு இறுதிப்
போரில் தோற்றுவிட்டால் என்ன ஆவது என
நினைப்பதற்கே அச்சமாக இருந்தது. இருப்பினும்
நம்பிக்கையைக் கைவிடவில்லை.
அப்போது ஒரு மூதாட்டி வேலுநாச்சியாரிடம்,
"நாளை விஜயதசமித் திருவிழா. சிவகங்கையில் உள்ள
இராஜராஜேஸ்வரி கோவிலில் பெண்கள் மட்டும்
வழிபாட்டிற்காக அழைக்கப்படுவர். இதை நீங்கள் ஏன்
பயன்படுத்தக் கூடாது?" என வினவினார். "எங்களிடம்
இத்தனை அக்கறையோடு பேசும் நீங்கள் யார்?" எனக்
கேட்டார் வேலுநாச்சியார். பதில் கூறாமல்
மூதாட்டி நழுவ முற்பட சின்னமருது மிகக்
கடுமையாக வாள்முனையில் நிறுத்திக் கேட்டார்.
அப்போது அம்மூதாட்டி தன்னுடைய வெண்மையான
தலைமுடியை விலக்கி ஒப்பனையைக்
கலைந்து காட்டினார். அவர் வேறு யாருமில்லை,
குயிலிதான்.
சிவகங்கையின் நிலவரம் அறிய மாறுவேடத்தில்
சென்று வந்ததாகவும் அனுமதியின்றி சென்றதற்காக
மன்னிப்புக் கோருவதாகவும் பணிந்து நின்றார்.
வேலு நாச்சியாருக்கு மகிழ்ச்சி தாங்கவில்லை.
குயிலியைப் பாராட்டியதோடு குயிலியின்
தலைமையிலான பெண்கள்
படையோடு வேலு நாச்சியாரும் மறுநாள்
இராஜராஜேஸ்வரி அம்மன் கோவிலுக்குள் நுழைந்தார்.
ஆயிரக்கணக்கான உடையாள் பெண்கள் படையினர் கைகளில்
ஆயுதங் களோடு வேலுநாச்சியாருடன்
உள்ளே நுழைந்தனர். போர் மூண்டது.
அரண்மனைக்கு வெளியிலிருந்து மருது சகோதரர்கள்
தாக்குதலைத் தொடங்க
உள்ளிருந்து வேலுநாச்சியாரும் குயிலியும்
வாட்களைச் சுழற்ற ஆங்கிலத் தளபதி பாஞ்சோர் என்ன
நடக்கிறது என்பதை அறியமுடியாமல்
விழி பிதுங்கி நின்றான். ஆனால் இந்தப் போர்
இதுவரை நடந்த
தாக்குதல்களிலிருந்து மாறுபட்டிருந்தது.
ஆங்கிலேயரின் நவீன ஆயுதங்
களுக்கு முன்பு வேலுநாச்சியாரின் படை தாக்குப்
பிடிக்க முடியவில்லை. தமிழர் பக்கம்
அழிவு அதிகமாகிக் கொண்டிருந்தது.
அரண்மனையின் ஆயுதக் கிட்டங்கியிலிருந்து மேலும்
மேலும் ஆயுதங்கள் ஆங்கிலப் படை களுக்குச்
சென்று கொண்டிருந்தன. தோல்வி தவிர்க்க
முடியாதது என்கிற
நிலை வேலுநாச்சி யாருக்கு ஏற்பட்டது.
என்ன செய்வதென சிந்திக்கக் கூட முடியாத சூழலில்
ஓர் உருவம் தன் உடலில்
எரிநெய்யை ஊற்றிக்கொண்டு அரண்மனை ஆயுதக்
கிட்டங்கியில் குதித்தது. மறுநிமிடம் ஆயுதக்
கிட்டங்கி வெடித்துச் சிதறியது. கை வேறு, கால்
வேறு, தலை வேறு, உடல் வேறு, என அவ்வுருவம்
சுக்கு நூறாகிப் போனது. ஆயுதக் கிட்டங்கியின்
அழிப்பு வேலு நாச்சியாரின் வெற்றிக்கு அடித்தளம்
அமைத்தது. ஆயிரக் கணக்கானோர் மண்ணில் மடிந்தார்கள்.
ஆங்கிலத் தளபதி பாஞ்சோர் வேலு நாச்சியாரிடம்
மன்னிப்புக் கேட்டு புதுக்கோட்டைக்கு ஓடினான்.
வேலுநாச்சியார் வெற்றி பெற்றதாக அறிவிக்கப்
பட்டது. வெற்றியைக் கொண்டாடத் தன் தளபதிகளெல்லாம்
நெருங்கிக் கொண்டிருந்தபொழுது குயிலியைத்
தேடினார் வேலுநாச்சியார். குயிலி கண்டறிய
முடியாத அளவிற்கு உருத்தெரியாமல்
மண்ணோடு மண்ணாகிப் போயிருந்தார். ஆம் ஆயுதக்
கிட்டங்கியில் குதித்தது வேறு யாருமில்லை,
குயிலியே. சிவகங்கை மண்ணை அந்நியர்
ஆதிக்கத்திலிருந்து விரட்டிட
வீரமங்கை வேலு நாச்சியார் சபதம் நிறைவேற்றிடத்
தன்னையே ஈந்து தற்கொலைப் போராளியாய்
அழிந்து போன குயிலியின் வீரம் இந்தத்
தலைமுறைக்கு எடுத்துச் செல்லப்பட வேண்டும். உலகில்
தற்கொடைப் போராளிகளுக்கான விதை தமிழ்மண்ணில்தான்
விதைக்கப்பட்டது. பெண்கள் என்றால் நுகர்வுப்
பொருளாகக் கருதும் இன்றைய
தலைமுறைக்கு குயிலியின் வரலாறு புதிய
பார்வையை வழங்கட்டும்.
 — 

விழி தமிழா! எழு தமிழா!!

விழி தமிழா! எழு தமிழா!