பரமக்குடி துப்பாக்கி சூடு அறிக்கைக்கு எதிர்ப்பு கிருஷ்ணசாமி வெளிநடப்பு

சென்னை: பரமக்குடி துப்பாக்கி சூடு தொடர்பான அறிக்கைக்கு எதிர்ப்பு தெரிவித்து புதிய தமிழகம் கட்சித் தலைவர் டாக்டர் கிருஷ்ணசாமி சட்டப்பேரவையில் இருந்து வெளிநடப்பு செய்தார்.

தமிழக சட்டப்பேரவையில் இன்று பரமக்குடி துப்பாக்கி சூடு தொடர்பாக விசாரணை நடத்தி ஓய்வு பெற்ற நீதிபதி சம்பத்தின் அறிக்கை இன்று தாக்கல் செய்யப்பட்டது.

அதில், "வன்முறையை கட்டுப்படுத்த காவல்துறையினர் எடுத்த அனைத்து நடவடிக்கைகளும் பயனளிக்கவில்லை. நடவடிக்கைகள் பயனில்லாமல் போனதால் துப்பாக்கிச்சூடுக்கு உத்தரவிடப்பட்டது.


வன்முறையை தடுக்க துப்பாக்கிச்சூடு அவசியமாக இருந்தது என விசாரணை ஆணையம் கருதுகிறது. துப்பாக்கிச்சூடு நடத்தாமல் இருந்திருந்தால் தென் மாவட்டங்களுக்கு வன்முறை பரவியிருக்கும்" என்று கூறப்பட்டுள்ளது.

இந்த அறிக்கைக்கு எதிர்ப்பு தெரிவித்து புதிய தமிழகம் கட்சித் தலைவர் டாக்டர் கிருஷ்ணசாமி சட்டப்பேரவையில் இருந்து இன்று வெளிநடப்பு செய்தார்.