வெளிநடப்பு செய்த காங்கிரஸ் உறுப்பினர் விஜயதரணி, புதிய தமிழகம் உறுப்பினர் கிருஷ்ணசாமி.
முக்கியப் பிரச்னைகளை வலியுறுத்தி, பேரவையில் இருந்து காங்கிரஸ், புதிய தமிழகம் கட்சிகளைச் சேர்ந்த உறுப்பினர்கள் புதன்கிழமை வெளிநடப்புச் செய்தனர். சட்டப்பேரவையில் கேள்வி நேரத்துக்குப் பிறகு முக்கிய பிரச்னைகளை விவாதிக்க அனுமதிக்க வேண்டுமென காங்கிரஸ், புதிய தமிழகம் கட்சிகளைச் சேர்ந்த உறுப்பினர்கள் வலியுறுத்தினர்.
இதற்கு அனுமதி மறுத்த பேரவைத் தலைவர் ப.தனபால், ஆளுநர் உரைக்கு நன்றி தெரிவிக்கும் தீர்மானத்தின் மீதான விவாதத்தில் பேசும்போது முக்கிய பிரச்னைகளை எழுப்பலாம் என்று தெரிவித்தார்.
இதற்கு எதிர்ப்பு தெரிவித்து காங்கிரஸ் கட்சியைச் சேர்ந்த விஜயதரணி உள்ளிட்ட எம்.எல்.ஏ.க்கள் வெளிநடப்புச் செய்தனர். புதிய தமிழகம் கட்சி எம்.எல்.ஏ. கிருஷ்ணசாமியும் பேரவையில் இருந்து வெளியேறினார்.
கருத்துகள் இல்லை:
கருத்துரையிடுக